Shiva Abhisek Stotra putra Prapti-शिव अभिषेक स्तोत्र

Shiva Abhisek Stotra putra Prapti in Hindi-शिव अभिषेक स्तोत्र

शिव अभिषेक स्तोत्र

ॐ नमो भवाय शर्वाय रुद्राय वरदाय च |

पशूनां पतयेनित्यं उग्राय च कपर्दिने ||

महादेवाय भीमाय त्र्यम्बकाय शिवाय च |

ईशानाय मखध्नाय नमस्ते मखधातीने ||

कुमार गुरुवे नित्यं नीलग्रीवाय वेधसे |

विलोहिताय धूम्राय व्याधीनेन पराजिते ||

नित्यं नील शीखंडाय शूलीने दिव्यचक्षुसे |

हन्त्रे गोप्त्रे त्रिनेत्राय व्याधाय च सुरेतसे ||

अचिन्त्याम्बिका भर्त्रे सर्वदेवस्तुताय च |

वृषभध्वजाय मुंड़ाय जटिने ब्रह्मचारिणे ||

तप्तमानाय सलिले ब्रह्मण्याय जिताय च |

विश्वात्मने विश्वसृजे विश्वमावृत्य तिष्ठते ||

नमो नमस्ते सत्याय भूतानां प्रभवे नमः |

पंचवक्त्राय शर्वाय शंकराय शिवाय च ||

नमोस्तु वाचस्पतये प्रजानांपतये नमः |

नमो विश्वस्य पतये महतां पतये नमः ||

नमःसहस्त्र शिर्षाय सहस्त्रभुजमन्यवे |

सहस्त्रनेत्र पादाय नमः सांख्याय कर्मणे ||

नमो हिरण्यवर्णाय हिरण्यकवचाय च |

भक्तानुकंपिने नित्यं सिध्यतां नो वरःप्रभो ||

एवं स्तुत्वा महादेवं वासुदेवः सहार्जुनाः |

प्रसादयामास भवं तदाशस्त्रोपलब्धयै ||