Amba Stotram In English-अम्बअस्तोत्रम

 Amba Stotram In English-अम्बअस्तोत्रम

 || ambāstotram ||

kā tvaṁ śubhe śivakare sukhaduḥkhahaste

āghūrṇitaṁ bhavajalaṁ prabalormibhaṅgaiḥ |

śāṁtiṁ vidhātumiha kiṁ bahudhā vibhagnām

mataḥ prayatnaparamāsi sadaiva viśve ||1||

sampādayatyavirataṁ tvavirāmavṛttā

yā vai sthitā kṛtaphalaṁ tvakṛtasya netrī |

sā me bhavatvanudinaṁ varadā bhavānī

jānāmyahaṁ dhruvamidaṁ dhṛtakarmapāśā ||2||

ko vā dharmaḥ kimakṛtaṁ kaḥ kapālalekhaḥ

kiṁvādṛṣṭa phalamihāsti hi yāṁ vinā bhoḥ |

icchāpāśairniyamitā niyamāḥ svatantraiḥ

yasyā netrī bhavatu sā śaraṇaṁ mamādyā ||3||

santānayanti jaladhiṁ janimṛtyujālaṁ

sambhāvayantyavikṛtaṁ vikṛtaṁ vibhagnam |

yasyā vibhūtaya ihāmitaśaktipālāḥ

nāśritya tāṁ vada kutaḥ śaraṇaṁ vrajāmaḥ ||4||

mitre śatrau tvaviṣamaṁ tava padmanetram

svasthe duḥsthe tvavitathaṁ tava hastapātaḥ |

mṛtyucchāyā tava dayā tvamṛtañca mātaḥ

mā māṁ muñcantu parame śubhadṛṣṭayaste ||5||

kvāmbā sarvā kva gṛṇanaṁ mama hīnabuddheḥ

dhattuṁ dorbhyāmiva matirjagadekadhātrīm |

śrīsañcintyaṁ sucaraṇamabhayapatiṣṭhaṁ

sevāsārairabhinutaṁ śaraṇaṁ prapadye ||6||

yā māmājanma vinayatyatiduḥkhamārgaiḥ

āsaṁsiddheḥ svakalitairlalitairvilāsaiḥ |

yā me buddhiṁ suvidadhe satataṁ dharaṇyāṁ

sāmbā sarvā mama gatiḥ saphale’phale vā ||7||