Budha Graha Kavacham-बुध ग्रह कवच

 Budha Graha Kavacham-बुध ग्रह कवच 

अस्य श्रीबुधकवचस्तोत्रमंत्रस्य कश्यप ऋषिः  I

अनुष्टुप् छंदःI बुधो देवता  I

बुधपीडाशमनार्थं जपे विनियोगः ॥

बुधस्तु पुस्तकधरः कुंकुमस्य समद्दुतिः  I

पितांबरधरः पातु पितमाल्यानुलेपनः ॥ १ ॥

कटिं च पातु मे सौम्यः शिरोदेशं बुधस्तथा  I

नेत्रे ज्ञानमयः पातु श्रोत्रे पातु निशाप्रियः ॥ २ ॥

घ्राणं गंधप्रियः पातु जिह्वां विद्याप्रदो मम  I

कंठं पातु विधोः पुत्रो भुजा पुस्तकभूषणः ॥ ३ ॥

वक्षः पातु वरांगश्च हृदयं रोहिणीसुतः  I

नाभिं पातु सुराराध्यो मध्यं पातु खगेश्वरः ॥ ४ ॥

जानुनी रौहिणेयश्च पातु जंघेSखिलप्रदः  I

पादौ मे बोधनः पातु पातु सौम्योSखिलं वपु ॥ ५ ॥

एतद्धि कवचं दिव्यं सर्वपापप्रणाशनम्  I

सर्व रोगप्रशमनं सर्व दुःखनिवारणम् ॥ ६ ॥

आयुरारोग्यधनदं पुत्रपौत्रप्रवर्धनम्  I

यः पठेत् श्रुणुयाद्वापि सर्वत्र विजयी भवेत् ॥ ७ ॥

 II इति श्रीब्रह्मवैवर्तपुराणे बुधकवचं संपूर्णं ॥